Hozirda Eron va Qo‘shma Shtatlar o‘rtasida rasmiy muzokaralar jarayoni mavjud emas, ammo xabar almashish davom etmoqda.
Bu haqda Eron tashqi ishlar vaziri Abbos Arag‘chi Al Mayadeen telekanaliga bergan intervyusida ma’lum qildi.
"Ikki kecha oldin biz Amerika tomoniga Bayrutga hujumning oldini olish zarurligi haqida xabarlar yubordik. Bizning aloqalarimiz uzilmagan, ammo so‘nggi bir necha kun ichida muzokaralarda sezilarli yutuqlarga erishmadik. Agar sharoitlar qulay bo‘lsa, muzokaralar qayta boshlanadi", dedi u.
Arag‘chi shuningdek, Tehron urushni davom ettirishi mumkinligini, ammo buni xohlamasligini ta’kidladi.
"Biz urushni davom ettirishga tayyormiz - ham harbiy kuch, ham milliy birlik va tajovuzga qarshi turish irodasi nuqtai nazaridan. Bizda urushni zarur bo‘lgan vaqtgacha davom ettirish uchun yetarli kuch bor, ammo bu biz urushni xohlayotganimizni anglatmaydi. Biz hech qachon urush izlamaganmiz va bu urushni biz boshlamaganmiz", deb qo‘shimcha qildi Eron tashqi ishlar vaziri.
O‘zbekistonda yangi ko‘l paydo bo‘ldi
Qirg‘izistonga yuborilgan 21 tonna tarvuz nega ortga qaytarildi?
Rustam G‘oipovga “Xalq artisti” unvonining berilishi shaxsan davlat rahbarining tashabbusi bo‘lgan
