Arag‘chi: "Eron bilan bog‘liq muammolarga harbiy yechim yo‘q"

AQSh Eronga qarshi turli yo‘llar bilan tahdidlarni takrorlashda davom etmoqda.

Eron tashqi ishlar vaziri Abbos Arag‘chi bu haqda ma’lum qildi.

"Biz bu tahdidlarga ko‘nikib qolganmiz. Ular (AQSh) uzoq vaqtdan beri turli yo‘llar bilan tahdidlarini takrorlab kelishmoqda, ammo ular o‘zlari ham bu tahdidlar, hatto ular boshlagan urush ham hech narsaga erisha olmaganliklarini va erisha olmasligini juda yaxshi tushunishadi", deb ta’kidladi Arag‘chi.

Uning so‘zlariga ko‘ra, Eron bilan bog‘liq muammolarga harbiy yechim yo‘q.

"Eron tahdidlarga qarshi qat’iy turibdi va bosh egmaydi. Shu bilan birga, Eronga hurmat bilan gapiradiganlar ham xuddi shunday javob olishadi", deb ta’kidladi u.