AQShda muddatidan oldin ovoz bergan saylovchilar soni e’lon qilindi

Florida universiteti qoshidagi saylov jarayonlari laboratoriyasi ma’lumotlariga ko‘ra, AQSh prezidentlik saylovlarida saylovchilarning uchdan biridan ko‘prog‘i muddatidan oldin ovoz berdi .

Uning ma’lumotlariga ko‘ra, jami 84,6 million kishi muddatidan oldin ovoz bergan, 46,3 million kishi saylov uchastkalariga shaxsan tashrif buyurgan, 38,3 million kishi esa pochta orqali ovoz bergan. Masofaviy ovoz berish uchun jami 67,4 million byulleten so‘ralgan.

Saylovda 244 millionga yaqin kishi ovoz berishi kutilmoqda. Oxirgi saylovlarda 158,4 milliondan ortiq amerikalik qatnashdi.