«Isaias» tropik dovuli AQShning sharqiy sohillarida 2,7 milliondan ortiq odamni elektrsiz qoldirdi. Bu haqda CNN xabar berdi.
Dovul sakkiz shtatni qamrab oldi. Eng ko‘p zarar ko‘rgan Nyu-Jersi shtatida 1,3 milliondan aholi elektrsiz qolgan. Shimoliy Karolinada 303 mingdan ortiq kishi, Virjiniya shtatida 347 mingdan ortiq, Merilendda 43,8 mingdan ortiq kishi elektrsiz qolgan.
Bundan tashqari, 4 kishi haloq bo‘ldi.
Eslatib o‘tamiz, «Isaias» dovuli 3 iyul kuni kechqurun Shimoliy Karolinaning qirg‘oqlaridan boshlangandi. Hozirgi paytda u ancha zaiflashgan.