AQSh vise-prezidenti: "Isroildagi bu vahima biroz g‘alati"

Isroilning yaqinda imzolangan AQSH-Eron o‘rtasidagi o‘zaro anglashuv memorandumini tanqid qilishi Vashingtondagi ishonchsizlikka asoslangan va kelishuv mazmuniga ziddir.

Bu haqda AQSh vise-prezidenti Jey Di Vens The Times of Israel nashriga bergan intervyusida aytib o‘tdi.

Uning ta’kidlashicha, Isroil Vashington va Tehron o‘rtasida erishilgan kelishuvlarga haddan tashqari hissiy munosabat bildirmoqda.

"Men Isroildagi bu vahima biroz g‘alati deb bilaman, chunki bu ishonchsizlikdan kelib chiqadi. Menimcha, Amerika bu ishonchni qozongan", dedi AQSh vise-prezidenti.

Vens kelishuv Isroil uchun zararli ekanligi haqidagi da’volar faktlar bilan tasdiqlanmaganini aytdi. Uning fikricha, Isroil siyosiy tizimi va jamoatchiligidagi ba’zi odamlar ishonchsiz ma’lumotlarga asoslanib, memorandumni noto‘g‘ri talqin qilmoqdalar.

U shuningdek, Eron bilan kelishuvlar Tehron yoki Livan "Hizbulloh" harakatining mavqeini mustahkamlashi haqidagi xavotirlarni rad etdi. Vensning so‘zlariga ko‘ra, ba’zi isroillik siyosatchilar kelishuvning Tehron uchun foydali bo‘lgan har qanday qoidalari Eron xatti-harakatlarida hech qanday o‘zgarishsiz amalga oshiriladi deb taxmin qilishadi.

Vise-prezident Qo‘shma Shtatlar Isroilning pozisiyasidan qat’i nazar, Eronga nisbatan siyosatni ishlab chiqishda o‘z milliy manfaatlaridan kelib chiqishini ta’kidladi.

Ba’zi isroillik siyosatchilarning kelishuvga nisbatan tanqidlariga izoh berar ekan, Vans barcha milliy xavfsizlik masalalarini faqat harbiy yo‘l bilan hal qilish mumkin emasligini ta’kidladi.

U shuningdek, Isroil Bosh vaziri Benyamin Netanyaxu memorandumni ochiqchasiga tanqid qilmaganini, garchi uning koalisiyasining ba’zi a’zolari, jumladan, milliy xavfsizlik vaziri Itamar Ben-Gvir va moliya vaziri Bezalel Smotrich kelishuvga qarshi chiqishganini ta’kidladi.