Eron tomonidan qo‘llaniladigan Yamanning «Ansorulloh» harakati (husiychilar) ning ma’lum qilishicha, AQSh va Buyuk Britaniya kuchlari Yaman g‘arbidagi Hudayda viloyatiga o‘nta aviazarba bergan.
Husiychilarga qarashli «Al-Masiyra» telekanalining ma’lumotlariga ko‘ra, oltida bomba Hudayda xalqaro aeroportiga tashlangan, yana to‘rtta raketa Qizil dengizdagi Kamaran oroliga kelib urilgan.