AQSh sulh fonida Eron janubiga zarbalar berdi

AQSh Markaziy qo‘mondonligi (CENTCOM) Eron janubidagi raketa maydonchalari va mina o‘rnatishga urinayotgan qayiqlarni nishonga olganini e’lon qildi.

CENTCOM ma’lumotlariga ko‘ra, ushbu zarbalar “o‘z-o‘zini himoya qilish” hamda “qo‘shinlarni Eron kuchlari tahdididan muhofaza qilish” maqsadida amalga oshirilgan. Hujumlar Eron harbiy-dengiz bazasi joylashgan Bandar-Abbos yaqinidagi hududga berilgan.

"AQSh harbiylari o‘t ochishni to‘xtatish rejimi davrida vazminlikni saqlagan holda o‘z kuchlarini himoya qilishda davom etmoqda", — dedi CENTCOM matbuot kotibi kapitan Tim Hokins.

Eron hukumati Vashingtonning so‘nggi zarbalariga hali rasman javob qaytarmadi. Ushbu hodisa ikki davlat o‘rtasidagi ehtimoliy tinchlik bitimiga qanday ta’sir ko‘rsatishi noma’lum.