Amerika neftini olib ketayotgan 20ga yaqin tankerlardan iborat armada Osiyo mamlakatlari, jumladan, Xitoy, Janubiy Koreya va Singapurga yo‘l olmoqda, deb xabar berdi “Bloomberg”.
Agentlik ma’lumotlariga ko‘ra, armada, asosan, 2 million barrelgacha neft tashiy oladigan supertankerlardan iborat bo‘lib, Osiyo-Tinch okeani mintaqasiga yetkazib beriladigan neftning umumiy hajmi 26 million barreldan oshadi.
Ma’lum qilinishicha, Osiyo mamlakatlari orasida xomashyoga bo‘lgan talab koronavirus inqirozidan keyin ushbu mintaqa iqtisodiyotining tezroq tiklanishi bilan bog‘liq.