AQSh mudofaa siyosatida o‘zgarish: Pit Xegset boy davlatlarga ogohlantirish berdi

AQSh endilikda boy davlatlarning mudofaa xarajatlarini o‘z zimmasiga olmaydi.

Bu haqda Pentagon rahbari Pit Xegset Singapurda bo‘lib o‘tgan "Shangri-La dialogi" xalqaro xavfsizlik forumida ma’lum qildi.

"AQSh boy mamlakatlar mudofaasini subsidiya qilgan davr o‘tib ketdi. Bizga protektoratlar (qaram hududlar) emas, balki sheriklar kerak. Bizga qaramlikka emas, balki o‘zaro mas’uliyatga asoslangan ittifoqlar kerak", — deya uning so‘zlaridan iqtibos keltiradi TASS.