АҚШ мудофаа сиёсатида ўзгариш: Пит Хегсет бой давлатларга огоҳлантириш берди

АҚШ эндиликда бой давлатларнинг мудофаа харажатларини ўз зиммасига олмайди.

Бу ҳақда Пентагон раҳбари Пит Хегсет Сингапурда бўлиб ўтган "Шангри-Ла диалоги" халқаро хавфсизлик форумида маълум қилди.

"АҚШ бой мамлакатлар мудофаасини субсидия қилган давр ўтиб кетди. Бизга протекторатлар (қарам ҳудудлар) эмас, балки шериклар керак. Бизга қарамликка эмас, балки ўзаро масъулиятга асосланган иттифоқлар керак", — дея унинг сўзларидан иқтибос келтиради ТАСС.