AQSh jangovar samolyotlari havoga ko‘tarildi

AQSh jangovar samolyotlari Alyaska yaqinida Rossiya harbiy samolyotlarini to‘xtatish uchun havoga ko‘tarildi. Bu haqda CBS News xabar bermoqda.

"Rossiyaning ikkita Tu-95 va ikkita Su-35 samolyoti Alyaska havo mudofaa zonasiga kirgan. Ularni kuzatish uchun Qo‘shma Shtatlarning E-3 radilokasion samolyoti, to‘rtta F-16 qiruvchisi va to‘rtta KC-135 yoqilg‘i to‘ldiruvchi samolyoti havoga ko‘tarilgan", deyiladi AQSh Qurolli kuchlari Shimoliy Amerika kosmik-havo mudofaasi qo‘mondonligi bayonotida.

AQSh harbiylari missiyaning hech qanday kutilmagan hodisasiz o‘tganini va barcha samolyotlar reja bo‘yicha bazaga qaytganini tasdiqladi.