AQSh Iroqdan 20 yillik harbiy kontingentini olib chiqib ketmoqda

AQSh 30 sentyabrga qadar Iroqda qolgan harbiy kontingentini olib chiqishni rejalashtirmoqda. Bu qaror Amerika qo‘shinlarining mamlakatdagi 20 yildan ortiq davom etgan harbiy huzuriga yakun yasaydi.

AQSh harbiylari Iroqdan birinchi marta 2011 yilda chiqarilgan edi. Biroq 2014 yilda «Islomiy davlat» — IGIL*ga qarshi kurashda Iroqqa yordam berish maqsadida yana qaytarilgan.

Navbatdagi qo‘shinlarni olib chiqish jarayoni AQSh va Eron o‘rtasidagi keskinlik kuchaygan davrga to‘g‘ri kelmoqda. Mojaro tufayli Iroqdagi Amerika harbiylari Tehron tomonidan ehtimoliy zarbalar xavfi ostida qolgan.

Shunga qaramay, ekspertlar fikricha, AQSh harbiylari Iroqdan chiqib ketishi Vashingtonning mamlakatdagi ta’siri butunlay yo‘qolishini anglatmaydi. Amerika Iroq bilan diplomatik, iqtisodiy va xavfsizlik sohalaridagi aloqalarini saqlab qolishi mumkin.