Amerika Qo‘shma Shtatlari yangi mudofaa sanoati jamg‘armasi orqali Ukrainaga qo‘shimcha 2 milliard dollar harbiy mablag‘ ajratmoqchi. Bu haqda AQSh davlat kotibi Entoni Blinken Kiyevda Ukraina tashqi ishlar vaziri Dmitriy Kuleba bilan qo‘shma matbuot anjumanida aytib o‘tdi.
«Qo‘shimcha qilmoqchimanki, biz [Ukrainaga] yangi mudofaa sanoati fondi orqali qo‘shimcha 2 milliard dollar ajratamiz», dedi u.
Uning so‘zlariga ko‘ra, AQShning Ukrainaga yordam ko‘rsatish bo‘yicha yangi jamg‘armasi Kiyevning boshqa davlatlardan qurol sotib olishini ham, Ukrainaning harbiy-sanoat majmuasini ham rivojlantirishni ta’minlaydi.