AQSh yetakchisi bilan "ajoyib suhbat" o‘tkazildi

Meksika prezidenti Sheynbaum AQSh yetakchisi Tramp bilan xavfsizlik va narkotrafik masalalarida "ajoyib suhbat" o‘tkazganini aytdi.

Meksika prezidenti Klaudiya Sheynbaum X ijtimoiy tarmog‘idagi sahifasida AQSh prezidenti Donald Tramp bilan Meksika suverenitetini hurmat qilgan holda xavfsizlik masalalari, narkotrafik, shuningdek, savdo va investisiya mavzularini muhokama qilganini yozdi.

Keyinroq Sheynbaum kundalik matbuot anjumanida Trampning harbiy harakatlar bo‘yicha takliflarini rad etganini va Qo‘shma Shtatlarning Meksikaga harbiy aralashuvini to‘xtatishga erishganini aytdi. Bundan tashqari, Sheynbaum agar AQSh buning aksini bildirsa, u yana qo‘ng‘iroq qilishini qo‘shimcha qildi.

Tramp o‘tgan hafta Fox News telekanaliga bergan intervyusida Meksikani kartellar boshqarayotganini ta’kidlab, AQSh ularga qarshi kurashish uchun Meksika hududidagi ob’ektlarga zarba berishi mumkinligiga ishora qilgan edi.