AQSh Eronning yuqori martabali vakillariga BMT Bosh Assambleyasida ishtirok etish uchun Nyu-Yorkka kelishga ruxsat berdi. Biroq ularning harakatlanishi va xaridlariga cheklovlar joriy etildi. Xususan, Eron delegasiyasiga qimmatbaho buyumlar xarid qilish taqiqlanadi, deb xabar bermoqda Reuters AQSh Davlat departamentiga tayanib.
Eron amaldorlariga nisbatan xarid cheklovlari AQShda 2025 yildan buyon amal qilmoqda. Davlat departamentining maxsus ruxsatisiz ularga qimmatbaho soatlar, taqinchoqlar, charm mahsulotlari, kosmetika, elektronika va boshqa qator tovarlarni xarid qilish, shuningdek, ayrim ulgurji savdo tarmoqlaridan xarid qilish mumkin emas. Bu yil Eron delegasiyasi odatdagidan kichikroq bo‘ladi.
Shu bilan birga, Eronning yuqori martabali vakillari AQSh va Isroilning Eron bilan davom etayotgan urushi fonida BMT yig‘ilishlarida ishtirok etishi mumkin.
BMT shtab-kvartirasi joylashgan davlat sifatida AQSh tashkilot tadbirlarida xorijiy delegasiyalarning ishtirok etishi uchun ularga kirish imkoniyatini ta’minlashi shart.
Rossiyada bir hafta ichida kasallanganlar soni qariyb 1 millionga yetdi
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
