AQSh davlat qarzi 40 trillion dollarlik rekord darajaga yetganidan keyingi ikki oy ichida yana qariyb 400 milliard dollarga ko‘paydi.
Bu haqda AQSh Moliya vazirligi xabar bermoqda.
Vazirlik tomonidan e’lon qilingan ma’lumotlarga ko‘ra, hozirda Amerikaning suveren qarzi amalda 40,4 trillion dollarni tashkil etmoqda. Bu shuni anglatadiki, joriy yilning 19 avgustida 40 trillion dollarlik rekord ko‘rsatkich qayd etilgan paytdan boshlab davlat qarzi hajmi 1 foizga o‘sgan.
Amerikalik ekspertlarning prognozlariga ko‘ra, keyingi o‘n yillikda AQSh davlat qarzi YAIMning taxminan 120 foizigacha o‘sadi. Bu federal hukumatning qarzi butun AQSh iqtisodiyotining yillik ishlab chiqarish hajmidan oshib ketishini anglatadi. Vashington har yili davlat qarzi bo‘yicha foizlarni to‘lashga qariyb 970 milliard dollar sarflaydi, bu esa harbiy sohaga ajratiladigan mablag‘dan ko‘pdir. 2020 yildan beri ushbu xarajatlar hajmi uch baravarga ko‘paydi.
Piterson nomidagi Jahon iqtisodiyoti instituti baholashicha, agar davlat xarajatlari yoki soliqqa tortish tizimi isloh qilinmasa, mamlakat qarzi olti yildan keyin 50 trillion dollarga yetishi mumkin.
O‘zbekistondan uchgan ikkita samolyot va yana 370 dan ortiq boshqa reyslar dron tahdidlari tufayli Moskvaga qo‘na olmadi
Shohjahon Ergashevning Toshkentdagi jangi janjal bilan nihoyasiga yetdi
40 mln odam Janubiy Osiyodan ko‘chishga majbur bo‘lishi mumkin
