Anchelotti Neymarni JCH-2026 qaydnomasiga kiritishga majbur bo‘ldi

Braziliya terma jamoasi bosh murabbiyi Karlo Anchelotti Neymarni bo‘lajak Jahon chempionati uchun yakuniy qaydnomaga kiritdi.

34 yoshli futbolchi 2023 yildan beri milliy jamoa safida maydonga tushmagan bo‘lsa-da, baribir mundialga yo‘l oladigan bo‘ldi. «MatchDay Central» nashrining xabar berishicha, Anchelotti dastlab Neymarni chaqirishni rejalashtirmagan, biroq Braziliya futbol konfederasiyasi (CBF) bilan o‘tkazilgan muzokaralardan so‘ng o‘z qarorini o‘zgartirgan. CBF vakillari muxlislar va homiylar tomonidan bo‘layotgan bosim sababli «Santos» hujumchisini taklif etish zarurligini faol ravishda talab qilishgan.

Braziliya terma jamoasi Jahon chempionatida Marokash, Gaiti va Shotlandiya bilan bir guruhdan joy olgan.