Amerika kinotanqidchilar milliy kengashi (NBR) rejissyor Martina Skorsezening uch soatlik dramasi — «Irlandiyalik»ni 2019 yilning eng yaxshi filmi deya e’tirof etishdi.
«NBR Icon Awards» mukofotlarini Skorseze bilan birga, filmda bosh rollarni o‘ynagan Al Pachino va Robert de Niro qabul qilib olishdi. Ilgari «Shindlerning ro‘yxati», «Gannibal» filmlari bilan nom qozongan Stiven Zaillyan ham ushbu kinoasar uchun eng yaxshi ssenariynavis sifatida taqdirlandi.
Yilning eng yaxshi rejissyori — Kventin Tarantino («Bir kuni Gollivudda» filmi uchun), shu filmda suratga tushgan Bred Pitt eng yaxshi ikkinchi plandagi aktyor bo‘ldi.
2019 yilning eng yaxshi aktyori — Adam Sendler («Ishlanmagan qimmatbaho toshlar» filmi), eng yaxshi aktrisa — Rene Zellveger (eski Gollivud yulduzi haqidagi «Judi» biografik dramasi).
Rossiya yana bir harbiy mojaroda ishtirok etishi mumkin
Makron: "Agar Rossiya g‘alaba qozonsa..."
Shohjahon Jo‘rayev ikki yil oldin otasi Sherali Jo‘rayevni sudga bergan
