Alyaskada ayiq amerikalik harbiylarga hujum qildi

Alyaska shtatidagi (AQSh) harbiy bazada ikki nafar amerikalik harbiy xizmatchi qo‘ng‘ir ayiq bilan to‘qnashib ketishi natijasida jarohat oldi.

Bu haqda Associated Press agentligi xabar bermoqda.

Hodisa Ankorij shahridagi Elmendorf — Richardson birlashgan bazasining mashg‘ulot maydoni hududida sodir bo‘lgan. Yirtqich bilan to‘qnash kelgan vaqtda harbiy xizmatchilar Arktik-Velli tumanida joyni mo‘ljalga olish (oriyentirlash) mashg‘ulotlari bilan shug‘ullanayotgan bo‘lgan.

Agentlikning aniqlik kiritishicha, jabrlanuvchilar yovvoyi hayvondan himoyalanish uchun ko‘zni yoshlantuvchi gazdan foydalanishgan.