Аляскада айиқ америкалик ҳарбийларга ҳужум қилди

Аляска штатидаги (АҚШ) ҳарбий базада икки нафар америкалик ҳарбий хизматчи қўнғир айиқ билан тўқнашиб кетиши натижасида жароҳат олди.

Бу ҳақда Associated Press агентлиги хабар бермоқда.

Ҳодиса Анкориж шаҳридаги Элмендорф — Ричардсон бирлашган базасининг машғулот майдони ҳудудида содир бўлган. Йиртқич билан тўқнаш келган вақтда ҳарбий хизматчилар Арктик-Вэлли туманида жойни мўлжалга олиш (ориентирлаш) машғулотлари билан шуғулланаётган бўлган.

Агентликнинг аниқлик киритишича, жабрланувчилар ёввойи ҳайвондан ҳимояланиш учун кўзни ёшлантувчи газдан фойдаланишган.