Kecha, 20 iyul kuni taxminan soat 21:15da Toshkent shahri Mirzo Ulug‘bek tumani hududida dahshatli YTH sodir bo‘ldi va unda 25 yoshli aktrisa halok bo‘ldi.
Toshkent shahar IIBB Matubot xizmatining xabariga ko‘ra, Abdulla Qodiriy hamda Mahatma Gandi ko‘chalari kesishgan chorrahani kesib o‘tayotgan piyoda, aktrisa Farangiz Rejametovani 23 yoshli haydovchi boshqaruvida bo‘lgan “Mercedez Benz” avtomashinasi urib yubordi. Haydovchi aktrisaga yordam ko‘rsatish maqsadida uni shifoxonaga yetkazishga harakat qildi. Ammo, iste’dodli aktrisa Farangiz Rejametova yo‘lda vafot etdi.
Voqea guvohlarining ma’lum qilishicha, haydovchi piyodaga yo‘l bermagani ortidan ushbu mudhish voqea sabab bo‘ldi.
Ushbu YTH sabab Mirzo Ulug‘bek tumani IIOFMB TB tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan bo‘lib, tergov harakatlari olib borilmoqda.
Manba: uznews.uz
