Bu yilgi adabiyot bo‘yicha Nobel mukofoti ilk bor ikki marta taqdim etiladi, chunki o‘tgan yilgi mukofot hech kimga topshirilmagan.
“Evronyus” xabariga ko‘ra, nomzodlar sir tutilayotgan bo‘lsa-da, mukofotga eng loyiqlar sifatida besh adiba ismi tilga olinmoqda. Bular: Enn Karson, Margaret Etvud, Olga Tokarchuk, Lyudmila Uliskaya va Mariz Konde.
O‘tgan yili jinsiy tajovuz mojarosi tufayli adabiyot bo‘yicha Nobel mukofotini topshirishning iloji bo‘lmagan va uni keyingi yil berishga qaror qilingan edi.
Jinsiy tajovuzlar adabiyot bo‘yicha Nobel mukofoti sovrindorlarini belgilaydigan Shvesiya adabiyot akademiyasida sodir bo‘lgani aniqlangan.