89 yoshli Norvegiya qiroli kasalxonaga yotqizildi

89 yoshli Norvegiya qiroli Xarald V infeksiya va suvsizlanishdan davolanmoqda, deb xabar beradi TASS.

Norvegiya monarxi, qariyb to‘qson yoshni qarshi olgan Xarald V 24 fevral kuni Ispaniyaning Tenerife orolida infeksiya va suvsizlanish tufayli kasalxonaga yotqizildi.

— Qirol janobi oliylari bugun kechqurun Tenerife shahridagi Universitario Hospiten Sur kasalxonasiga olib ketildi. Qirol infeksiya va suvsizlanishdan davolanmoqda va uning ahvoli barqaror, — deyiladi saroy bayonotida.

Monarxning shaxsiy shifokori uni davolash uchun Ispaniya oroliga yetib bordi. Qirollik oilasi qishki ta’tilni Tenerife orolida o‘tkazmoqda.