"450 million so‘mlik remont": Farg‘onadagi maktabning faqat old ko‘rinishi remont qilingani, qolgan joylari esa xaroba ekanligi aytilmoqda (VIDEO)

Farg‘ona viloyati, Dang‘ara tumanidagi 18-umumiy o‘rta ta’lim maktabi ta’mirga o‘ta muhtoj edi. Shu bois maktab o‘qituvchilari va o‘quvchilari birlashib, ochiq byudjet loyihasida g‘olib bo‘lib, maktab ta’miri uchun 450 million so‘m pulni qo‘lga kiritishadi. Ammo...

"Ishonch" youtube kanalidagi videoga ko‘ra, maktabning faqat old ko‘rinishi remont qilingan, xolos. Yon va orqa tomonlari, ichi esa o‘ta xarob holatda. Demakki, ajratilgan 450 million so‘m o‘z o‘rnida sarflanmagan.

Mas’ullardan bu borada izoh kutib qolamiz.