"17 avgust kuni qurilish ishlari olib borilayotgan Ukrainaning Kiyev shahri hududlaridan birida 40 nafar qurollangan shubhali shaxslar qo‘lga olindi", deya xabar bermoqda “RIA Novosti”
Shaharning Darniskom tumanida mahalliy polisiya xodimlari tomonidan olib borilayotgan patrul nazorati davomida hududda 80 ga yaqin sport kiymidagi erkaklar yig‘ilib turganligi ma’lum bo‘lgan. Huquq tartibot xodimlari belgilangan manzilga yetib kelgunga qadar 40 ga yaqin kishi qochib ketgan.
Voqea joyida polisiya xodimlari 40 nafar shubhali shaxslarni hibsga olgan. Ulardagi qurol-aslahalar olib qo‘yilgan. Hozirda voqea yuzasidan surishtiruv ishlari olib borilmoqda.
Manba: uza.uz