To‘rt yoshli bolakay olti yoshli opasini tasodifan otib qo‘ydi, deb xabar beradi Metro nashri. Voqea Dallasda sodir bo‘ldi.
Bola mashinadagi bardachokdan qurol topib olgan. Ayni shu paytda bolalarning onasi mashinadan tushib, nega o‘t olmayotganini tekshirayotgan bo‘lgan. Bolakay bilmasdan tepkini bosib yuborgan va o‘q ovozi eshitilgan. Qizaloqni saqlab qolishning imkoni bo‘lmagan.
Polisiya sherifi ota-onalarga qurol-yarog‘larni bolalarning qo‘li yetmaydigan yoki umuman ko‘rishmaydigan joyda saqlashlari kerakligini eslatib o‘tdi.