"20 ming dollar berasan": Samarqandda ayol BAA fuqarosini "shantaj" qildi

16 fevral kuni Birlashgan Arab Amirliklari fuqarosi Samarqand viloyat ichki ishlar boshqarmasiga ariza bilan murojaat qildi. U samarqandlik tanishi uning shaxsiy intim fotosuratlarini ijtimoiy tarmoqda tarqatish bilan tahdid qilayotgani aytib, bu holatga nisbatan qonuniy chora ko‘rishni so‘ragan. Bu haqda Samarqand viloyat IIB axborot xizmati xabar bermoqda.

Ariza yuzasidan Samarqand viloyat IIB iqtisodiy jinoyatlar va korrupsiyaga qarshi kurash boshqarmasi hamda Davlat xavfsizlik xizmati bilan hamkorlikda tadbir o‘tkazildi.

Samarqand shahrining Rudakiy ko‘chasida yashovchi, 1994 yilda tug‘ilgan ayol 20 ming dollarni olayotgan paytda huquq – tartibot xodimlari tomonidan qo‘lga olindi.

Ushbu holat yuzasidan O‘zbekiston JK 165-moddasi, 3- qismi «a» bandiga asosan (tovlamachilik) jinoiy ish olib borilmoqda.