Berlinda Germaniya tarixidagi eng qimmat avtoban uchastkasi – A100 yo‘lining yangi qismi ochildi. Bu yo‘lning har bir metri byudjetga 225 ming yevroga tushgan, deb xabar berdi DW.
Yo‘lning uzunligi 3,2 kilometrni tashkil qiladi, qurilish ishlari esa 12 yil davom etgan. Olti qatorli magistral yer ostida 7 metr chuqurlikda barpo etilgan. Loyiha ishlab chiqish jarayonida hatto ko‘rshapalaklar hayotiga kelishi mumkin bo‘lgan xavf ham hisobga olingan.
Yangi avtoban uchastkasi Berlinga yaqin shaharlardan ishga qatnaydigan odamlar uchun yo‘lni yengillashtirishi va shaharning ayrim turar-joy hududlaridagi yuklamani kamaytirishi kutilmoqda.
Shu bilan birga, loyiha tanqidga ham uchrayapti. Tanqidchilarning aytishicha, bu yo‘l aksincha, avtomashinalar sonini oshirib, shaharning ekologik holatini yomonlashtirishi mumkin. Shuningdek, Berlinda mavjud yo‘llar va ko‘priklarni ta’mirlashga, temiryo‘l infratuzilmasini yaxshilashga mablag‘ yetishmayotgan bir paytda, bunday qimmat avtoban qurish mantiqsiz hisoblanadi.
Maktablarda 1 sentyabrdan smartfondan foydalanish taqiqlanadi
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
