Ispaniyaning shimol va janubida avj olgan yirik o‘rmon yong‘inlari 50 dan ziyod hududni qamrab oldi. Hozirgacha 4000 dan ortiq odam evakuasiya qilingan, o‘n minglab gektar maydon yong‘in ichida qolgan.
EFE agentligiga ko‘ra, eng og‘ir vaziyat Galisiya (Ourense), Kastiliya va Leon (Leon, Zamora), Asturiya (Somiedo tabiiy bog‘i) va **Ekstremadura (Plasensiya)**da kuzatilmoqda. Kastiliya va Leonda aholi zich hududlarga yong‘in tarqalish xavfi saqlanib qolmoqda, 3200 ga yaqin odam hali uyiga qayta olmagan.
Galisiyada bir necha kundan beri davom etayotgan yong‘inlar 47 ming gektardan ortiq maydonni yoqib yuborgan. Ourense viloyatida yuzlab aholi sport zallari va vaqtinchalik boshpanalarda tunda. Ekstremadurada esa 200 kishi evakuasiya qilindi.
Ispaniya bosh vaziri Pedro Sanches 17 avgust kuni Ourense va Leonda eng ko‘p zarar ko‘rgan hududlarga tashrif buyurishi belgilangan.
Yong‘inlarni o‘chirish ishlariga Harbiy favqulodda vaziyatlar xizmati (UME) hamda Evropa Ittifoqi havo texnikasi jalb etilgan. Shu bilan birga, qo‘shni Portugaliyada ham avgust boshidan beri davom etayotgan 78 ta o‘rmon yong‘ini orasida 8 tasi asosiy hisoblanmoqda. Ularga qarshi 5100 dan ziyod o‘t o‘chiruvchi, 42 ta samolyot va 305 ta yer texnikasi jalb qilingan.
Maktablarda 1 sentyabrdan smartfondan foydalanish taqiqlanadi
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
