Falastin yerlarini noqonuniy ravishda egallab olgan isroilliklar ishg‘ol ostidagi G‘arbiy Sohilning shimoli-sharqidagi bir qishloqda cho‘ponlarga hujum qilib, 300 qo‘yni o‘g‘irlab ketdi.
Falastinning WAFA axborot agentligining xavfsizlik kuchlaridagi manbalariga tayanib xabar berishicha, aqidaparast yahudiylar Kafr Malik qishlog‘ining sharqiy qismidagi Ayn Samiya hududida falastinliklarga hujum qilgan.
Isroilliklar falastinlik chorvadorlar Xolid Guneymat va Mustafo Rebiaga tegishli 300 qo‘yni musodara qildi. Ulardan biri Mustafo Rebia kaltaklash natijasida jarohat olgan.
Guvohlarning so‘zlariga ko‘ra, Isroil askarlari yarador Rebiyaga yordam ko‘rsatish uchun kelgan tez yordam mashinasini o‘tkazib yuborishdan bosh tortgan.
Ayni paytda isroilliklarning yana bir guruhi Ramallah sharqidagi Tayba qishlog‘iga bostirib kirib, atrof-muhitga zarar yetkazgan.
2023 yilning 7 oktyabr kuni Isroil G‘azo sektoriga hujum qila boshlaganidan beri G‘arbiy Sohilda Falastin yerlarini noqonuniy egallab olgan isroilliklarning hujumlari ko‘paygan.
Fanatik fikrdagi yahudiylar tez-tez Falastin qishloqlari va shaharlariga hujum qilib, binolar va mashinalarga o‘t qo‘yadi.
BMT ma’lumotlariga ko‘ra, 2023 yil 7 oktyabrdan beri G‘arbiy Sohilda isroillik ko‘chmanchilar tomonidan kamida 13 nafar falastinlik halok bo‘lgan.
Maktablarda 1 sentyabrdan smartfondan foydalanish taqiqlanadi
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
