Shveysariya prezidenti Karin Keller-Sutter Bernda Ukraina Bosh vaziri Yuliya Sviridenko bilan uchrashdi, tomonlar Ukraina atrofida tinchlik jarayoni istiqbollarini muhokama qildilar.
Bu haqda Shveysariya hukumati portali xabar bermoqda.
Ma’lumotlarga ko‘ra, Karin Keller-Sutter Shveysariya Ukrainada xalqaro huquq va Birlashgan Millatlar Tashkiloti Nizomi asosida adolatli va mustahkam tinchlikka erishishda yordam berishga tayyorligini ta’kidlagan.
Bundan tashqari, Keller-Sutter va Sviridenko Federal Kengashning Ukraina bo‘yicha delegati Jak Gerber va Ukrainani tiklash jarayoniga katta hissa qo‘shayotgan Shveysariya biznesi vakillari bilan ham fikr almashdilar.