Hakerlar Avstraliyaning Qantas aviakompaniyasining olti million mijozi maxfiy ma’lumotlari saqlanadigan tizimni buzib kirdi.
«2025 yilning 30 iyunida Qantas aviakompaniyasi koll-markazi foydalanadigan chet platformada shubhali faollikni aniqladik. Shundan so‘ng darhol himoya choralarini ko‘rdik», — deyiladi aviakompaniya bayonotida.
Qantas ma’lumotiga ko‘ra, tizimda nomlar, uy manzillari, elektron pochta manzillari, telefon raqamlari, tug‘ilgan kunlar va loyallik (sodiqlik) dasturi bo‘yicha raqamlar ma’lumotlari saqlangan. Shuning barobarida, to‘lovlar ma’lumotlari va hujjatlar haqidagi axborotlar daxlsiz qolgan.
Kompaniya ishontirishicha, hodisa Qantas faoliyatiga va parvozlar xavfsizligiga ta’sir qilmagan.
«Mijozlarimizdan chin qalbdan kechirim so‘raymiz», — dedi aviakompaniya rahbari Vanessa Hadson.
Toshkentda andijonlik "dostavkachi" yigitni zo‘rlagan 2 nafar ayol qamaldi
Ayollarning pensiya yoshi yana 6 oyga oshirildi
Qirg‘izistonda favqulodda holat e’lon qilindi
