Samarqanddan Isroilga aviareys bekor qilindi

Samarqand viloyatida Isroilning Tel-Aviv shahriga uchadigan aviareys bekor qilindi. Bu haqda Air Samarkand xabar berdi.

Unga ko‘ra, Tel-Aviv Ben-Gurion aeroporti va mintaqa havo makonining vaqtincha yopilishi munosabati bilan 15 iyun kungi 9S 501/502 Samarqand—Tel-Aviv reysi bekor qilindi.

Isroilga boshqa sanalardagi reyslar haqida qo‘shimcha ravishda xabar berilishi aytildi.

Reysi bekor qilingan barcha yo‘lovchilar oldindan e-mail orqali, shuningdek chiptalarni xarid qilgan joylarda — kassalar va sayyohlik agentliklarida xabardor qilinadi.

Agar sizda ushbu reysga chipta bo‘lsa, siz:

• to‘liq pulni qaytarib olishingiz, yoki
• parvozni boshqa sanaga ko‘chirishingiz mumkin.

Bundan tashqari, Eron havo hududi yopilgani sabab 13 iyunda Toshkentdan uchadigan:

• Fly Dubai aviakompaniyasining Dubay—Toshkent—Dubay yo‘nalishi bo‘yicha FZ-1945/1946 reyslari;
• Air Arabia aviakompaniyasining Sharja—Toshkent—Sharja yo‘nalishi bo‘yicha G9-270/271 reyslari;
• Asia Union aviakompaniyasining Toshkent—Madina—Toshkent yo‘nalishi bo‘yicha 7q-141/142 reyslari bekor qilindi.