Зойир Мирзаевга янги ўринбосар тайинланди

Бугун, 22 февраль куни Қашқадарё вилояти ҳокими Зойир Мирзаевга янги ўринбосар тайинланди. Бу ҳақда вилоят ҳокимлиги Матбуот хизмати хабар бермоқда.

Маълум қилинишича, Долли Ҳакимович Аллаев вилоят ҳокимининг ўринбосари - маҳалла ва оилани қўллаб-қувватлаш бошқармаси бошлиғи лавозимига тайинланган.

Долли Ҳакимович шу пайтгача Қашқадарё вилояти ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари лавозимида ишлаб келган.