Муборак Рамазон ойи арафасида Зомин туманида ижтимоий аҳамиятга эга озиқ-овқат маҳсулотлари ва кундалик эҳтиёж маҳсулотлари нарх-навосини барқарор сақлаш мақсадида савдо ярмаркаси ташкил этилди ҳамда савдо нуқталарида мониторинг ишлари кучайтирилди.
Аҳолини арзон ва сифатли маҳсулотлар билан таъминлаш, нархларнинг сунъий равишда ошиб кетишининг олдини олиш ҳамда бозорларда соғлом рақобат муҳитини шакллантириш устувор вазифа этиб белгиланган. Шу муносабат билан Зомин тумани ҳокимлиги томонидан бозорларда ва савдо шохобчаларида тизимли ўрганиш ҳамда назорат ишлари олиб борилмоқда.
Масъул ходимлар томонидан маҳсулотлар нархи, мавжуд захиралар ҳажми, савдо қоидаларига риоя этилиши ҳамда санитария-гигиена талабларига амал қилиниши мунтазам равишда таҳлил этилмоқда. Савдо ярмаркаси доирасида аҳолига асосий турдаги озиқ-овқат маҳсулотлари мақбул ва ҳамёнбоп нархларда таклиф этилмоқда.
Мазкур чора-тадбирлар Рамазон ойи давомида нарх-наволар барқарорлигини таъминлаш, аҳолининг ижтимоий ҳимоясини кучайтириш ҳамда ички бозорда мувозанатни сақлашга хизмат қилади.
Доллар турбулентлик босқичига кирмоқда
Умрага бориш 19 мартдан расман тўхтатилади
Трамп: "Менга мамлакатни вайрон қилиш ҳуқуқи берилган”
