Зеленский ва Путин Туркияда учрашиши мумкин

Украина президенти Владимир Зеленский Туркияда россиялик ҳамкасби Владимир Путин билан музокара ўтказиши мумкин.

Бу ҳақда Украина етакчиси кечки нутқида айтиб ўтди.

Унинг сўзларига кўра, учрашув ўтказиш мумкин бўлган жой сифатида Форс кўрфази ёки Европа давлатлари ҳам кўриб чиқилмоқда.

"Бу ҳафта Туркия билан алоқалар бўлади, Форс кўрфази давлатлари, руслар билан музокаралар ўтказиш жойи бўлиши мумкин бўлган Европа давлатлари билан алоқалар бўлади”, деди Зеленский. "Биз томондан урушни тугатиш учун ҳамма нарса имкон қадар тайёр бўлади. Ҳамкорларимиз буни тасдиқлаши муҳим".

Унинг қўшимча қилишича, Украина урушни тугатишга тайёр ва мулоқотга тайёргарлик кўриш учун бор кучини сарфламоқда. Бироқ, унинг фикрича, Россияга босим ўтказиш ва ҳақиқий тинчлик жараёнини бошлашда иродаси ҳал қилувчи бўлиши мумкин бўлган дунё етакчиларининг, биринчи навбатда, АҚШнинг позицияси асосий омил бўлиб қолмоқда.