Тизим дронлар ва миномётлардан келадиган ҳужумларнинг барча даражаларини, шунингдек, юқори тезликдаги баллистик ракеталарни аниқлаш ва йўқ қилиш имкониятини таъминлайди.
Анқарада Ражаб Тоййиб Эрдўғон Туркиянинг миллий интеграциялашган ҳаво мудофаа тизими «Пўлат гумбаз»ни расман ишга туширди. Бу ҳақда Associated Press нашри хабар берди.
Эрдўғон ASELSAN заводидаги маросимда бу тизим Туркия мустақиллигининг рамзи эканини таъкидлаб, «ҳаво мудофаасида янги давр бошланди», дея баёнот берди. Президентнинг таъкидлашича, лойиҳанинг сўнгги босқичида 460 млн долларлик 47 та ҳарбий техника жорий қилинган.
«Пўлат гумбаз» денгиз ва қуруқликдаги мудофаа платформалари ҳамда сенсорларини ягона тармоққа бирлаштириб, мамлакат осмонини дронлар, миномётлар ҳамда 180 кмгача масофадаги баллистик ракеталардан ҳимоя қилишга қодир. Тизимнинг тўлиқ қачон ишга тушиши аниқланмаган.
Эрдўғоннинг сўзларига кўра, ўз радари ва мудофаа тизимига эга бўлмаган давлат хавфсизлик таҳдидлари шароитида келажакка ишонч билан қарай олмайди. У минтақадаги Сурия ва Украинадаги можаролар, шунингдек, Исроилнинг Эронга қилган ҳужумларини кучли мудофаа зарурлигини кўрсатувчи омил сифатида қайд этди.
2019 йилда Туркия Россиядан С-400 харид қилган, аммо шу сабаб АҚШ етакчилигидаги F-35 дастуридан чиқарилган эди. Шундан кейин Анқара ўз мудофаа ишланмаларига катта сармоя кирита бошлади. Ҳозирда Туркиянинг мудофаа соҳасидаги ташқи боғлиқлиги 2000-йиллардаги 80 фоиздан 20 фоизга тушган.
Маросимда ASELSANнинг 2026 йилда ишга туширилиши режалаштирилган янги ишлаб чиқариш мажмуалари ҳам эълон қилинди. Эрдўғон Туркия кейинги 50 йилда нафақат ўз эҳтиёжини қондирувчи, балки жаҳон технологиясида етакчи бўлишини таъкидлади.
Мактабларда 1 сентябрдан смартфондан фойдаланиш тақиқланади
Кейинги 5 йил ичида бошланиши мумкин бўлган 5 та уруш
АҚШ Конгрессига номзод Валентина Гомес Қуръонни ёқиб юборди
