Украина Президенти Влaдимир Зеленский ва Польша Бош вазири Дональд Туск икки давлат ўртасида хавфсизлик шартномасини имзолади.
Бу ҳақда Зеленский ўзининг Telegram-каналида маълум қилди.
Шартнома 10 йил муддатга мудофаа ва хавфсизлик соҳасида ўзаро ҳамкорликни назарда тутади. Томонлар, жумладан, мудофаа саноати соҳасида ҳамкорликни ривожлантириш, Полша мудофаа компанияларининг ишлаб чиқариш қувватларини Украинада жойлаштириш ва мудофаа маҳсулотларини биргаликда ишлаб чиқариш учун қўшимча имкониятларни ўрганишга келишиб олди.
Шунингдек, Киев ва Варшава Украина Қуролли Кучлари ходимларини тайёрлаш учун Польша ҳудудида “Украина легиони”ни яратишга келишиб олди. Польшада ва бошқа мамлакатларда яшовчи Украина фуқаролари ушбу легионга қўшилишлари мумкин.
Украина шу кунгача Буюк Британия, Германия, Исландия, Дания, Испания, Швеция, Норвегия, Португалия, Белгия, Латвия, Финляндия, Италия, Франция, Канада, Япония, Нидерландия ва АҚШ билан икки томонлама хавфсизлик шартномаларини имзолаган.
Эрон зарбасидан кейин Исроил ҳаво кучлари базасининг сунъий йўлдош тасвирлари эълон қилинди
Украинага «Барча бомбаларнинг отаси» ташланди
Нобель қўмитасининг қароридан Исроил шок ҳолатига тушиб қолди
