Украина президенти Владимир Зеленский ноябргача Украина ва унинг иттифоқчилари Россиянинг иккинчи тинчлик саммитида иштирок этиш режасини ишлаб чиқишларини айтди. Унинг сўзларига кўра, режани муҳокама қилиш ва ишлаб чиқиш Украина ва унинг иттифоқчиларининг Зеленскийнинг тинчлик формуласи нуқталари бўйича бўлажак учта учрашувида бўлиб ўтади.
Биринчи йиғилиш энергия хавфсизлигига бағишланади. Қатарда июль ойининг охири - август ойининг бошида ўтказилиши режалаштирилган.
Азов ва Қора денгизларда навигация хавфсизлигига бағишланган иккинчи йиғилиш август ойида Туркияда бўлиб ўтади.
Сентябр ойида Канадада ҳарбий асирларни алмашиш ва украиналик болаларни Россиядан қайтариш бўйича йиғилиш бўлиб ўтади.