Украина Буюк Британия, Франция ва АҚШ билан биргаликда 23 апрель куни Лондонда Россия билан урушни тугатиш йўлларини муҳокама қилади.
Бу ҳақда Украина президенти Владимир Зеленский Х ижтимоий тармоғида маълум қилган.
Украина давлати раҳбарининг сўзларига кўра, у Буюк Британия бош вазири Кир Стармер билан яхши ва батафсил музокаралар олиб борган.
"Чоршанба куни бизнинг вакилларимиз Лондонда ишлайди. Украина, Буюк Британия, Франция, АҚШ. Биз сўзсиз ўт очишни тўхтатишга эришиш учун имкон қадар конструктив йўл билан олға боришга тайёрмиз, кейин эса ҳақиқий ва мустаҳкам тинчлик ўрнатилади”, - дея таъкидлади Зеленский.
Унинг таъкидлашича, қўшимча шартларсиз ўт очишни тўхтатиш тинчлик сари биринчи қадам бўлиши керак ва Пасха Россиянинг ҳаракатлари "урушнинг чўзилиши учун сабаб" эканлигини кўрсатди.
Зеленский Стармер билан Европа хавфсизлик форматларида қўшма ишларни муҳокама қилганини қўшимча қилди.
Эслатиб ўтамиз, ўтган ҳафта Парижда Украина, Америка, Германия, Франция ва Британия расмийлари музокара ўтказган эди. Улар Украина ва Россия ўртасида барқарор тинчликка эришиш имкониятларини муҳокама қилдилар.
Музокараларда иштирок этган Украина Президенти девони раҳбари Андрей Ермак бундай учрашув янги форматдаги музокараларнинг бошланиши эканлигини таъкидлади.
Россия С-300/400 макетлари билан дунё кўзини алдамоқда!
Украина Ўзбекистонга санкция жорий қилди. Учта компания ва бир фуқаро “қора рўйхат”да
“Ота-онам мен билан гаплашмайди…” Блогер Марям Тиллаева шахсий ҳаёти ҳақида интервью берди
