Украина президенти Владимир Зеленский АҚШнинг Россияга нисбатан босимини кучайтиришини кутаётганини маълум қилди. Бу ҳақда у АҚШ президенти Дональд Трамп билан Оқ уйда бўлиб ўтган учрашувдан сўнг баёнот берди.
"Биз Дональд Трамп билан икки соатдан зиёд давом этган мазмунли суҳбат ўтказдик. Жанг майдонидаги вазият, ҳаво ҳимояси имкониятлари ва дипломатик йўллар ҳақида гаплашдик", — деди Зеленский ўзининг Telegram-каналида.
Унинг таъкидлашича, Россия "ўзи бошлаган ва атайлаб чўзиб келаётган тажовузни тўхтатиши шарт". “Биз АҚШнинг босимига умид қиламиз”, — дея қўшимча қилди Украина раҳбари.
Зеленский шунингдек, Европа Иттифоқи ҳамда Буюк Британия, Германия, Италия, Финляндия, Норвегия ва Польша етакчилари билан ҳам алоқа қилганини билдирди. Унинг сўзларига кўра, бу суҳбатларда Украина хавфсизлигини таъминлаш ва Европа барқарорлигини мустаҳкамлаш бўйича чоралар муҳокама қилинган.
“Ҳозирги асосий вазифа — кўпроқ одамларнинг ҳаётини сақлаб қолиш ва мамлакатимиз хавфсизлигини таъминлашдир. Шу мақсадда ишлаяпмиз”, — деди Зеленский.
Президентнинг сўзларига кўра, Украина ва АҚШнинг хавфсизлик бўйича маслаҳатчилари яқин кунларда кейинги қадамларни муҳокама қилади.
Дунёдаги энг қашшоқ давлатлар
Покистонда «келинлар бозори» борлигини биласизми?
Дунёнинг энг қиммат автомобиль брендлари номи маълум бўлди
