Ижтимоий тармоқларда ҳокимнинг фуқаролардан бирини сўккани акс этган видео тарқалди. Бу ҳоким яқинданига маккажўхори можароси туфайли узр сўраган Миришкор тумани ҳокими эканлиги айтилмоқда.
Унда ҳоким Равшан Комилов ерни култивация қилдирмаган фуқарони куракда турмас сўзлар билан ҳақоратлаган. Энг ёмони, бир неча бор онасидан сўккан. Тўғри, фуқаро ерни култивация қилдирмагани, топшириқни бажармагани учун айбдор, аммо онадан сўкинишга ҳоким тугул валломатининг ҳам ҳақи йўқ.