G7 саммити бўлиб ўтаётган Германияга ташриф буюрган Япония бош вазири Фумио Кисида глобал озиқ-овқат хавфсизлигини қоплаш учун 200 миллион доллар ажратишга ваъда берди, деб ёзади NHK .
Япония бош вазири ваъда қилган пул Украинага, шунингдек, озиқ-овқат нархларининг кескин ошишидан жабр кўрган Яқин Шарқ ва Африка мамлакатларига ёрдам беришга мўлжалланган, деб хабар бермоқда телеканал.
NHK телеканали маълумотларига кўра, озиқ-овқат хавфсизлиги G7 етакчилари саммитида муҳокама қилинадиган асосий мавзулардан бирига айланган.
G7 саммити 26-28 июнь кунлари Баварияда бўлиб ўтади.