Интернетда янги "Toyota Land Cruiser 300"нинг биринчи фотосуратлари пайдо бўлди. Янги модел ҳозиргисидан тубдан фарқ қилмайди.
Янги модел янада нақшинкор капоти, янги бамперлари, қайта ишланган радиатор панжараси ва динамик бурилиш сигналлари ва 17-20 дюймли ғилдираклар билан ишлаб чиқарилган.
Шунингдек, салони кўплаб илғор технологиялар билан жиҳозланган.
Янги Toyota Land Cruiser 300 бир нечта двигател вариантлари, шу жумладан тўрт ва олтита силиндрли двигателлар билан таъминланади. Бундан ташқари, у икки турбо В8 двигател билан таъминланиши кутилмоқда.
Янги машинанинг олдингисига нисбатан узунлиги 20 мм га ошади, кенглиги 5 мм га, баландлиги эса 10 мм га камаяди.
Инсайдерларнинг фикрига кўра, янги авлод баҳор охиригача намойиш этилади. Aвтомобиллар ишлаб чиқариш 1 июлдан бошланади.
