Янги Орлеандаги (АҚШнинг Луизиана штати) теракт қурбонлари сони 15 кишига етди, яна 35 киши жароҳат олди. Бу ҳақда шаҳар суд-тиббиёт эксперти Дуайт Маккин баёнотига таяниб, CBS телеканали маълум қилди.
Қайд этилишича, тергов жараёни бир неча кун давом этади. Улар тугалланиб, яқинларига хабар берилгач, қурбонларнинг шахси эълон қилинади.
Ҳодиса 1 январга ўтар кечаси Янги Орлеанда содир бўлган. Дастлабки маълумотларга кўра, ҳайдовчи Ford F-150 Lightning пикапида қасддан оломон орасига кириб борган, шундан сўнг у ўт очган ва полиция томонидан бартараф этилган. Федерал қидирув бюроси ҳодисани теракт сифатида баҳоламоқда. Теракт ижрочиси ва террорчи ташкилотлар ўртасида эҳтимолий алоқа ўрнатилмоқда.
Рус гази тўхташи қайси давлатларга таъсир қилади, қайсиларига таъсир қилмайди?
Россия Япония ва Жанубий Кореяга ҳужум қилиш режаларини ишлаб чиқди – FT
Россия ҳаво ҳужумидан мудофаа тизимлари Украина қирувчисини уриб туширди
