"Янги Ҳабиб" рақибини 17 сонияда нокаутга учратди

Швециялик аралаш услубдаги жангчи (ММА) Хамзат Чимаев америкалик Жеральд Миршертни UFC Fight Night 178 мусобақасида 17 сонияда мағлуб этди.

"Янги Ҳабиб" дея аталаётган Чимаев бошига йўлланган биринчи зарба билан рақибини нокаут қилди. Унга атиги 17 сония керак бўлди. Таъкидланишича, швед спортчиси 66 кун ичида мутлақ жанговар чемпионатда учта ғалабани қўлга киритди ва бу билан рекорд ўрнатди. Аввалги рекорд 105 кун ичида учта жангда ғалаба қозонган Жонни Уоркерга тегишли эди.