«Атлетико» бош мураббийи Диего Симеоне коронавирусга чалинди.
Клуб матбуот хизматининг маълум қилишича, 11 сентябрь куни ўйинчи, мураббий ва ходимлар COVID-19 учун тест топширишган. Симеонеда ижобий натижа чиққан. Аммо аргентиналик мураббийда вируснинг ҳеч қандай аломатлари йўқ, у уйида изоляцияда бўлиб турибди.
Аввалроқ жамоа ҳужумчиси Диего Коста ва ҳимоячи Сантьяго Ариас ҳам коронавирус юқтириб олгани хабар қилинганди.
Маълумот учун, «Атлетико» ўтган мавсумда Ла Лигада 70 очко тўплаб, 3-ўринни эгаллаган.
