Ямандаги уруш Европа учун жиддий хавф — PISM.

Ямандаги можаронинг кескинлашуви Европа учун ҳам жиддий иқтисодий ва хавфсизлик хавфларини юзага келтириши мумкин. Бу ҳақда Польша халқаро ишлар институти (PISM) таҳлилида қайд этилган.

Таҳлилчиларнинг фикрича, асосий хавф хусийларнинг Боб-ал-Мандаб бўғозини амалда тўсиб қўйиш эҳтимоли билан боғлиқ. Мазкур бўғоз Осиёни Европа билан Қизил денгиз ва Суэц канали орқали боғлайдиган муҳим денгиз йўлининг бир қисми ҳисобланади.

Агар кемалар ҳаракати чекланса, юк ташиш харажатлари ошиши ва нефть, ёқилғи ҳамда бошқа товарлар нархи кўтарилиши мумкин. Африка атрофидан ўтадиган муқобил йўналиш эса қарийб икки ҳафтага узунроқ.

PISM шунингдек, хусийлар янги технологиялардан фойдаланаётганини қайд этган. Жумладан, ракета траекторияларини дастурлашда Claude тил модели қўллангани ҳақида маълумотлар келтирилган. Шунингдек, сохта овоздан фойдаланилган дипфейк орқали рақиб кучларини чекинишга ундашга уриниш бўлгани ҳақида хабарлар бор.

Таҳлилда таъкидланишича, можаронинг кучайиши АҚШнинг Форс кўрфази давлатлари хавфсизлигини таъминлашдаги ролига нисбатан шубҳаларни ҳам кучайтирмоқда.

Айни пайтда ҳукумат кучларининг Саудия Арабистони кўмагида хусийларга қарши қарши ҳужум бошлаши кутилмоқда. Бироқ йўқотилган ҳудудларни яқин кунларда қайтариб олиш имконияти ҳозирча ноаниқ.

Можаронинг янада авж олиши жаҳон нефть бозорига ҳам таъсир кўрсатиши мумкин. Таҳлилчиларнинг фикрича, денгиз қатновига таҳдиднинг кучайиши нефть ва бошқа товарлар нархининг ошишига олиб келиши эҳтимоли бор.