Хитойнинг Кобулдаги элчиси Aфғонистоннинг қочқинлар ва ватанга қайтганлар ишлари бўйича вазири вазифасини бажарувчи Халил ар-Раҳмон Ҳаққоний билан учрашди. Учрашув давомида молиявий ва тиббий ёрдам кўрсатилишини маълум қилди.
19 сентябрь куни бўлиб ўтган учрашувда Хитой элчиси Ван Ю дастлаб Хитой Aфғонистон билан хамкорлик қилишга ҳамда зудлик билан ёрдам кўрсатишга тайёр эканлигини маълум қилди. Унинг ваъда қилишича, Хитой 15 миллион доллар ва коронавирусга қарши 3 миллион доза вакцина етказиб беради.
Шунингдек, ҳаво ҳарорати пасайгунича Хитой томони Aфғонистонга 5 миллион долларлик қишки кийим-бош ва иссиқ кўрпа-тўшаклар, ҳамда 10 миллион долларлик озиқ-овқат маҳсулотлари етказиб беради.