Хоразмда Nexia автомобили ҳайдовчисининг бошқарувни йўқотиши натижасида юзага келган йўл-транспорт ҳодисаси оқибатида тўрт киши ҳалок бўлди. Бу ҳақда «Хоразм» телеканалининг «Жиноят ва адолат» кўрсатувида маълум қилинди, дейилади «Дарё» хабарида.
Маълум қилинишича, 24 май куни соат 17:40 ларда Янгиариқ тумани «Аччиқуйи» маҳалласида яшовчи 39 ёшли фуқаро Nexia-2 автомобилини бошқариб кетаётиб Янгиариқ—Хонқа йўлининг 14-километрида йўл четидаги 6 нафар 11-синф битирувчиларини уриб юборган. Автомобилнинг ўзи эса йўл бўйидаги ариққа ағдарилиб тушган.
Авария оқибатида жабрланувчиларнинг 3 нафари воқеа жойида, яна бир нафари эса шифохонада олган тан жароҳатлари оқибатида вафот этган. Шунингдек, икки нафар ўқувчи шифохонага жойлаштирилган.
Ҳайдовчига нисбатан Жиноят кодексининг 266-модда (транспорт воситалари ҳаракати ёки улардан фойдаланиш хавфсизлиги қоидаларини бузиш) 3-қисми билан жиноят иши қўзғатилиб, дастлабки тергов ҳаракатлари олиб борилмоқда.
Ботир Қодиров Зоҳиршоҳ Жўраевни судга берди. Сабаби маълум (ФОТО)
Озодбек Назарбеков Ботир Қодиров ва Жўраевлар ҳақида: “Учта тирранча буюк санъаткорни лойга булғамоқда”
Афзал Рафиқов ўша машҳур овозини йўқотди. Нега? (ВИДЕО)
